Ministri i Bujqësisë, Faton Peci para shtatë muajsh, respektivuisht më 11 tetor 2022 i bëri publike të gjeturat skandaloze rreth menaxhimit të pronave të Institutit Bujqësor të Kosovës që vepron në kuadër të Ministrisë së Bujqësisë, raporton KosovaNeës.
Vetë ministri Peci atë kohë bëri të ditur se kishte kërkuar themelimin e një Komisioni që adreson vërejtjet e vazhdueshme gati një dekadëshe të Auditorit të Përgjithshëm rreth menaxhimit të pronave të institucioneve.
Ai gjatë prezantimit të asaj që është gjetur nga ky komision, tha se të gjeturat janë skandaloze, ndërsa pati shprehur habinë se si gjithë këto keqpërdorime kanë ndodhur në sy të inspektoriatit dhe prokurorisë, të cilët nuk kanë marrë masa asnjëherë.
E tani kur janë mbushut shtatë muaj nga ky denoncim edhe publik, ministri Faton Peci ka reaguar që ende edhe pas shtatë muajsh nuk është ndërmarrë asnjë veprim nga prokuroria për gjithë këto uzurpime të pronës shtetërore.
“Çile guri gojën prokuroria. Po, duke heshtë bash si këto villat e gurit në Stankaj të Rugovës, të ndërtuara në tokë të shtetit bash nga ata që për mandat kanë patur ruajtjen e tokës dhe pronës shtetërore e jo keq-përdorimin e saj. 7 muaj kanë kaluar prej se kam denoncuar publikisht këto uzurpime dhe asnjë reagim, asnjë veprim i ndërmarrë… Për të tilla denoncime duhet reaguar brenda 24 orëve besoj unë… Të kujt janë këto villa dhe pse po heshtet? Mediave po ju ikë ky lajm…”, ka shkruar sot ministri Peci.
LEXO edhe: