Ministri i Shëndetësisë, Arben Vitia, nëpërmjet një postimi në profilin e tij në Facebook, ka prezantuar ultrazërin endoskopik, i cili pritet të hyjë në përdorim nga janari pa kosto për pacientët.
Sipas Vitisë, ky shërbim deri tani është marrë vetëm jashtë vendit dhe ka kushtuar 1200 euro, ndërsa metoda terapeutike deri 2000 euro. Së shpejti ato do të jipen pa këto kosto në QKUK.
Ultrazëri endoskopik mundëson diagnostikën e sëmundjeve të pankreasit dhe organeve përreth, biopsinë e pankreasit dhe të tri këto pajisje e teknika do të ulin ndjeshëm shpenzimet e pacientëve për diagnostikim.
Postimi i ministrit Vitia”
Pajisje të reja mjekësore – trajtim brenda vendit pa kosto për pacientët
Filloi instalimi i “Ultrazërit Endoskopik”.
Ultrazëri endoskopik që do të jetë në përdorim prej janarit në QKUK, është nga të vetmit në ballkanin perëndimor.
Ky shërbim deri tani është marrë vetëm jashtë vendit dhe ka kushtuar 1200 euro ndërsa metoda terapeutike deri 2000 euro. Së shpejti ato do të jipen pa këto kosto në QKUK.
Ultrazëri endoskopik mundëson diagnostikën:
🔸e sëmundjeve të pankreasit dhe organeve përreth,
🔸biopsinë e pankreasit
Ky aparat mund të zbulojë kancerin e pankreasit me ndjeshmëri më të lartë se CT dhe MRI.
Së shpejti në QKUK- Biopsia e nyjeve limaftike sqetullore dhe PET SCAN
🔹Në muajt e parë të vitit 2024 fillon puna me pajisjet “Sentinel Node” dhe PET SCAN.
Në Klinikën e Kirurgjisë Torakale do të fillojë puna me “Sentinel Lymph Node Biopsy” e para në sistemin tonë shëndetësor. Kjo teknikë përdoret për identifikimin e gjëndrave limfatike të infiltruara, me malinitet të lartë.
🔹PET SCAN (Positron Emission Tomography Scan) është aparaturë e avancuar që përdoret për të identifikuar tumorë, për të vlerësuar shpërndarjen e sëmundjes, për monitorimin e efekteve të trajtimit, dhe për të vlerësuar funksionimin e organeve.
📍Të treja këto pajisje e teknika do të ulin ndjeshëm shpenzimet e pacientëve për diagnostikim.
Tanimë jemi në një proces të pakthyeshëm të modernizimit të pajisjeve mjekësore në spitalet tona publike.
✴Vijojmë transformimin Klinikë për Klinikë
