Gjatë ditës së diel [sot] ka ndodhur një aksident trafiku ku tre persona kanë kërkuar ndihmë mjekësore pas një aksidenti mes dy veturave dhe një autobus në Komoran të Drenasit.
Kështu ka bërë të ditur zëdhënësi i Policisë së Kosovës, në rajonin e Prishtinës, Bajram Krasniqi.
Tutje, Krasniqi bëri të ditur se njësitet përkatëse janë duke e trajtuar rastin.
“Sot në mëngjes, në rrugën nacionale Prishtinë-Pejë (fshati Komoran), ka ndodhur një aksident trafiku. Në aksident janë përfshirë tri automjete (në mesin e tyre një autobus). Si pasojë e aksidentit tre persona kanë kërkuar ndihmë mjekësore. Njësia përkatëse e policisë është marrë me rastin”, tha Krasniqi.
