Kryetari i Komunës së Prishtinës, Përparim Rama ka bërë të ditur se Trafikut Urban së shpejti do t’i shtohen edhe 30 autobusë të rinj, ku 6 prej tyre do të jenë elektrik.
Sipas, Ramës kjo vjen pasi rreth 10.000 udhëtarë më shumë janë duke i përdorur autobusët e trafikut urban, si rrjedhojë e vendimit të përdorimit të biletës ditore.
Në janar të këtij viti, komuna e Prishtinës mori vendim që qytetarët të kenë biletë ditore për shfrytëzim 24 orë, që kushton 0.80 cent.
“Superlajm!
10.000 udhëtarë më shumë po përdorin autobusët e “Trafiku Urban”, si rezultat i vendimit të marrë në muajin janar të këtij viti për përdorimin e biletës ditore.
Shumë shpejt flotës së Trafikut Urban do t’i shtohen edhe 30 autobusë të rinj, 6 prej të cilëve do të jenë elektrik. Kjo do të përmirësojë tutje shërbimet e ofruara për qytetarët.
Drejtoria e Shërbimeve Publike
#kryeqyteti”, ka shkruar Rama në një postim në facebook.
