Deputeti i Lëvizjes Vetëvendosje, Salih Zyba, përmes një postimi në profilin e tij në Facebook, ka reaguar ndaj një skene të pazakontë që ndodhi në seancën e sotme të Kuvendit të Kosovës.
“Befasia e seancës së sotme nuk ishte mosvotimi nga ana e opozitës, por ‘befasia’ që grupi parlamentar i PDK-së i kishin bërë deputetit të Listë serbe, Slavko Simiq, për ditëlindjen e tij. Tortja për të erdhi përmes një asistenti/këshilltari të grupit parlamentar të këtij subjekti. Për detajet e festës është mirë të na tregojë vet kjo parti, PDK”, ka thënë Zyba në reagimin e tij.
Sipas Zybës, në mes të seancës, Simiq u befasua me një tortë për ditëlindje, e cila iu dorëzua në sallën e Kuvendit nga një asistent apo këshilltar i grupit parlamentar të PDK-së. Ky gjest, i pazakontë për dinamikën politike në Kuvend, u prit me habi dhe reagime të ndryshme nga deputetët.
