Ministri i Mbrojtjes i Republikës së Kosovës, Ejup Maqedonici tha se po e përcjellin me shumë vëmendje dhe keqardhje situatën e krijuar në Marok të shkaktuar si pasojë e tërmetit të fuqishëm me magnitudë prej 6.8 shkallë të Rihterit.
Përveç lutjeve që situata të kalohet sa më lehtë, ministri Maqedonci shprehu edhe gatishmërinë e Kosovës për të ndihmuar me të gjitha kapacitetet e specializuara për reagim, kërkim-shpëtim dhe rimëkëmbje në zonat e prekura.
“Në këto çaste të vështira për mbretin e Marokut, Mohammed VI dhe popullin marokien lutjet tona janë me ta.
Ministrit Loudiyi i shprehim gatishmërinë tonë të plotë që të ofrojmë ndihmë me të gjitha kapacitet tona të specializuara për reagim, kërkim-shpëtim dhe rimëkëmbje në zonat e prekura.
Urojmë që numri i viktimave dhe dëmeve të jetë sa më i vogël, ndërsa familjeve të cilët kanë humbur më të dashurit e tyre u shprehim ngushëllimet tona më të sinqerta.
Lutemi që ta kaloni këtë sfidë të rëndë!”, ka shkruar ministri Maqedonci.
