Policia e Kosovës ka bërë të ditur se sot rreth orës 14:30 në rrugën ‘Shpëtim Robaj’, në Prishtinë janë dëgjuar të shtëna me armë zjarri, ku zyrtarët policorë janë nisur në drejtim nga ku janë dëgjuar të shtënat.
“Zyrtarët policorë, janë drejtuar në atë drejtim nga ku janë dëgjuat të shtënat. Policia ka hasur në dy persona me një motoçikletë të cilët i kanë ndaluar dhe gjatë kontrollit të tyre, te njëri nga personat është gjetur një revole me një karikator. Në vendin e ngjarjes (aty ku ishin shkrepur plumba), policia ka gjetur një kuti të zbrazur të municionit dhe disa gëzhoja të armës (dyshohet të jenë të armës së gjetur tek personi i ndaluar).”, thuhet në njoftimin e policisë.
Bëhet e ditur se policia do ta trajtojë këtë rast në koordinim me organet e drejtësisë.
