Ndryshimet klimatike, ngrohja e planetit dhe fenomene të tjera të ngjashme, mund të sjellin një model klimatik të “El Nino” që mund të jetë më i forti i regjistruar ndonjëherë e që do të sjellë me vete një mot më ekstrem.
Fenomeni El Niño pritet të zhvillohet nga mesi i këtij viti, duke ndikuar në temperaturën globale dhe modelet e reshjeve, sipas Organizatës Botërore Meteorologjike. Ndërsa modelet tregojnë se kjo mund të jetë një ngjarje e fortë, është bërë edhe më të vështirë të bëhen parashikime të sakta në pranverë.
El Niño është një ngrohje ciklike dhe natyrore e pjesëve të Paqësorit ekuatorial që më pas ndryshon modelet e motit në botë.
Në thelb, El Niño rishpërndan nxehtësinë në Tokë. Aktualisht, nxehtësia nëntokësore në Paqësor po lëviz në lindje përmes oqeanit dhe po ngjitet në sipërfaqe nga ujërat e thella, fazat fillestare të këtij fenomeni.
Por temperaturat e sipërfaqes së detit po rriten me shpejtësi dhe El Nino mund të intensifikohet muajt në vijim.
Nëse Paqësori lëshon shumë nxehtësi, kjo e mbingarkon sistemin klimatik dhe shkakton kaos për motin. Me më shumë nxehtësi, do të ketë valë më të forta të nxehtësisë, duke përkeqësuar thatësirën në disa zona, por edhe më shumë lagështi në ajër që çon në përmbytje më intensive.
Degradimi i pyjeve, i nxitur nga zjarret, prerja e pemëve dhe thatësira, që prek rreth 40% të Amazonës. mund të përkeqësohet në vitin 2026 me një El Niño të fortë.
Ky fenomen zakonisht ndodh çdo dy deri në shtatë vjet dhe zgjat rreth nëntë deri në 12 muaj.
