Një person është arrestuar dje në Prishtinë nën dyshimin se ka sulmuar fizikisht babain e tij, ku si pasojë e sulmit viktima ka pësuar lëndime trupore për çka ka pranuar trajtim mjekësor.
Me vendim të prokurorit, i dyshuari pas intervistimit është dërguar në mbajtje.
Sulmi ndaj prindërve ndodhi edhe në Prizren, ku edhe është arrestuar një person. Njërës nga viktimat iu është ofruar trajtim mjekësor. Me vendim të prokurorit, i dyshuari pas intervistimit është dërguar në mbajtje.
Në Prizren kanë ndodhur edhe dy raste tjera. Është arrestuar i dyshuari nën dyshimin se pas një mosmarrëveshje ka sulmuar fizikisht nënën dhe dy motrat e tij të mitura. Njërës nga viktimat iu është ofruar trajtim mjekësor. Me vendim të prokurorit, i dyshuari pas intervistimit është dërguar në mbajtje.
Kurse, rasti tjetër është kur viktima femër kosovare ka raportuar se djali i saj i dyshuari mashkull kosovar, duke e kërcënuar me thikë ka ushtruar dhunë ndaj saj.
Palët janë intervistuar dhe me vendim të prokurorit, i dyshuari është arrestuar dhe dërguar në mbajtje./kp/
