Lajmi që qarkulloi sot në shumë media të Kosovës kinse 400 autobusë me plotë udhëtarë po nisen çdo ditë nga Stacioni i Autobusëve në Prishtinë në drejtim të vendeve të BE-së po del të jetë i pavërtetë dhe i keqinterpretuar.
Në një reagim të bërë në faqen zyrtare të Stacionit të Autobusëve në Prishtinë thuhet se numri prej 400 autobusëve përfshin të gjitha nisjet ditore që bëhen nga stacioni ku përfshihen edhe linjat ndërurbane të cilat qarkullojnë në drejtim të gjitha qyteteve të Kosovës.
“Stacioni i autobusëve demanton lajmin e publikuar që 380-400 nisje nderkombëtare ditore jane realizuar nga SAP, ky numër i nisjeve ditore përfshin nisjet ndërurbane dhe ato ndërkombëtare.
Faleminderit në mirëkuptim” thuhet në reagimin e zyrtarëve të stacionit
