Ministria e Mjedisit dhe Planifikimit Hapësinor ka njoftuar se do të bllokohet përsëri për qarkullim segmenti Kijevë-Dollc.
Sipas njoftimit segmenti Kijevë-Dollc do të bllokohet për shkak të minimit të 8-të që do të realizohet.
Ndërprerja e trafikut do të bëhet të hënën në intervalin kohor nga ora 15:00 deri në pastrimin dhe hapjen e rrugës.
“Në trasen e Zgjerimit të Rrugës Nacionale N9, Segmenti Kijevë-Dollc LOT-3, do të realizohet minimi Nr.8 i masave shkëmbore per zgjerimin e rrugës. Me këtë rast do të bëhet ndërprerja e qarkullimit të trafikut nga udhëkryqi i Gjakovës në Klinë e deri te udhëkryqi i rrugës për Gjurgjevik. Ndërprerja e trafikut do të bëhet në intervalin kohorë: nga ora 15:00 deri në pastrimin dhe hapjen e rrugës”, thuhet në njoftim.
