Rreth zgjedhjeve të Këshillit Drejtues në Universitetin e Prishtinës ka reaguar analisti Shkelzen Gashi, sipas të cilit, anëtar i Këshillit Drejtues të Universitetit të Prishtinës është zgjedhur një plagjiator.
Ai ka thënë se VV-ja nuk e reformon arsimin në Kosovë, por ka drojën që do ta përkeqësojë edhe më shumë gjendjen.
“Sot në Senatin e Universitetit të Prishtinës, me votat e organizatës studentore të Lëvizjes Vetëvendosje në këtë universitet – SKV-së – plagjiatori Selim Bezeraj qenka zgjedhur anëtar i Këshillit Drejtues të Universitetit të Prishtinës.
“E kam pase gjithëherë kristal të qartë që Lëvizja Vetëvendosje! nuk e reformon arsimin në Kosovë në asnjë segment të tij, por tash me ka rrokë tutë që edhe do ta përkeqësojë gjendjen në këtë fushë”, ka shkruar Gashi një postim në llogarinë e tij në Facebook.