Bordi i Përkohshëm i Drejtorëve të Kompanisë për Menaxhimin e Deponive të Kosovës (KMDK), ka marrë vendim për shkarkimin e kryeshefit ekzekutiv të kësaj kompanie Abdullah Haxhiun.
Abdullah Haxhiu është vëllau i deputetit të PDK-së Bekim Haxhiu i cili prej më shumë se 12 vitesh është në krye të Kompanisë për Menaxhimin e Deponive të Kosovës.
Në vendimin e publikuar nga bordi i përkohshëm i drejtorëve të KMDK-së thuhet se vazhdimi i mandatit të kryeshefit është bërë me afat të jashtligjshëm. Si arsyetime tjera në vedimin e shkarkimit përmenden menaxhim i dobët i ndërmarrjes , mospërfillje e kërkesave dhe vendimeve të aksionarit, mospërmbushje të deturave të veta, e shkelje në rekrutimin e stafit.
“Rrezikoi projektin “Menaxhimi i Mbeturinave të Ngurta II-IV” në vlerë prej 53 milionë euro i cinanciar nga Banka Zhvillimore e Republikës Federale të Gjermanisë, KfË, për shkak të dërgimit të informatave të gabuara dhe jo të plota për shpronësimin e pronave të paluajtshme që kërkohen për realizimin e projektit”, thuhet mes tjerash në arsyetim.
Të gjitha këto shkelje ishin evidentuar duke u bazuar në gjetjet e Auditorit të Brendshëm dhe raportet e Zyres Kombëtare të Auditimit.
