Dy adoleshentë përfunduan në pranga, pasi u kapën duke shqelmuar derën e një shtëpie, pasi pranuan ta bëjnë një sfidë që është bërë virale në TikTok.
Jeffrey Merthie, 15-vjeç dhe Zahmarii Reddick, 13, u arrestuan në BeDary të Orlandos, kur u kapën duke shqelmuar derën e shtëpisë së fqinjit.
Sfida është e ngjashme me një “rreng” të vjetër për t’i rënë ziles së huaj, por në vend të kësaj ata e shqelmuan – duke u filmuar nga kamera e fshehtë kurse pamjet janë bërë virale në rrjetet sociale.
Merthie dhe Reddick u kapën nga kamera e vendosur para derës së shtëpisë, derisa afroheshin tinëzisht dhe shqelmuan derën dhe u larguan me shpejtësi.
Disa momente më vonë, Merthie u filmua duke u prangosur derisa qëndronte pranë një adoleshenti tjetër që nuk është identifikuar.
Që të dy i thanë zëvendës-sherifit në Volusia se po largoheshin nga shtëpia e Reddickut.
“Ku është vajza”, dëgjohet duke e pyetur polici.
Ne nuk kemi bërë asgjë, ju premtoj”, i thotë policisë adoleshenti tjetër i paidentifikuar.
“Keni bërë. Jo ti, por ky po”, ia kthen polici adoleshentëve.
Kamera e vendosur para derës së shtëpisë ju ka kapur duke shqelmuar derën e shtëpisë. E kur u pyet se pse e kishte bërë, ai tha se thjesht po talleshin dhe janë treguar “budalla” me këtë veprim.
Madje tentoi t’i mbrojë veprimet e tyre, duke thënë se kanë goditur derën, por polici ia bëri me dije se kanë thyer derën.
E pasi policia u lejua të futet në shtëpinë e Reddick me lejen e nënës së saj, ajo u dërgua në mbajtje.
