Policia gjermane ka gjetur një vajzë 19 vjeçe, e cila ishte raportuar e zhdukur, në Vogelsberg.
Vajza ishte mbyllur në një arkë druri, kanë thënë autoritetet. Një burrë 43 vjeç dhe një grua 56 vjeçe po hetohen me dyshimin për kidnapim, raportoi mediumi gjerman “Fenix”.
Vajza ishte raportuar e zhdukur gjatë fundjavës. Pasi ajo është me ilaçe rregullisht, policia pati filluar menjëherë kërkimin intensiv.
Hetimi çoi në një ndërtesë në Vogelsberg. Pronari i saj ka thënë se nuk dinte diçka për vajzën, megjithatë e lejoi policinë ta kontrollonte ndërtesën.
Derisa po kontrollonin pronën, zyrtarët dëgjuan britmat që vinin nga hambari. Aty gjetën vajzën e mbyllur me dry brenda një kutie druri. Ajo u dërgua në spital.
