Clive Rumbold ekspert i lartë në Divizionin e Ballkanit Perëndimor të Shërbimit të Jashtëm të BE-së, ka thënë se presin që Kosova dhe Serbia të bëjnë kompromiset e nevojshme për të nënshkruar marrëveshjen më 18 mars.
Ai ka thënë se kjo mundësi e veçante që nuk do të duhej të humbej.
Rumbold ka thënë se po ashtu presin që të gjitha partitë politike në Kosovë të angazhohen në mënyrë konstruktive në diskutimin për marrëveshje pasi sipas tij, është një çështje e interesit të përgjithshëm kombëtar dhe duhet tejkaluar politikat ditore.
“Po ashtu presim zotimin e dy palëve për të implementuar të gjitha dispozitat e marrëveshjeve pa kusht si dhe të gjitha marrëveshjet e kaluara që i bie se Kosova të pranojë të fillojë procesin e themelimit të Asociacionit të komunave me shumicë serbe”, ka thënë ai.
Ai ka thënë se të dy palët duhet të ndalen nga çfarëdo veprimi që do të mund të rrezikojë stabilitetin në teren në veçanti në këtë komentet shumë delikate.
Sipas duhet palët duhet të angazhohen për të zbutur tensionet e mundshme.
“Situata e sigurisë në veri mbetet e tensionuar dhe numri i policëve në teren është i pamjaftueshëm duke pasuar pastaj edhe me dorëheqjen e policëve serbë, ndërsa rekrutimi i zyrtarëve serbë është në proces e sipër dhe duhet një kohë e caktuar. Dërgimi i Njësive Speciale paraqet një çështje delikate dhe duhet të shqyrtohet me shumë vëmendje. EULEX-i ka luajtur një rol stabilizues të rëndësishëm duke rritur prezencën e vet në teren. BE-ja ja beson që zgjidhja politike ndërmjet palëve do të lejojë që ish-zyrtarët policorë, gjyqtarët dhe prokurorët të kthehen në vendet e tyre të punës. Shpronësimet e fundit të tokës në veri kanë qenë po ashtu brengë. BE-ja inkurajon autoritetet që të ofrojnë mundësi të duhura për popullatën që të informohen dhe konsultohen në pajtim me legjislacionin. KQZ është duke vazhduar me përgatitjet e parapara për 23 prill. Është e rëndësishme që të krijohet mjedisi që mundëson mbajtjen e zgjedhjeve të sigurta. BE-ja ja shpreson se 18 marsi do të sjellë lajme të mira dhe se kjo do të ketë ndikim pozitiv në këto zgjedhje”, ka thënë ai.