Rrathët e gjelbër nëpër trotuare të Prishtinës, sqarohet pse u ngjyrosën

Ka disa ditë që në trotuare të Prishtinës janë ngjyrosur shenja të gjelbra në formë rrethore.

Arsyeja e ngjyrosjes së tyre është bienalja nomade evropiane “Manifesta” që këtë vit do të mbahet në Prishtinë.

Kryetari i kryeqytetit Përparim Rama bëri të ditur se secili shënjëzim ju drejton në njërin nga 25 lokacionet e “Manifestës”.

“Mirëmëngjesi Prishtinë! Me siguri i keni pa shenjat e gjelbra nëpër trotuare të kryeqytetit. Secili shenjëzim ju drejton në njërin nga 25 lokacionet e @manifestabiennial. Nga 23 korriku, të gjitha rrugët ju çojnë në bienalen më të madhe të artit dhe arkitekturës ne botë, që sivjet kemi kënaqësinë ta kemi në Prishtinë!”, shkruan ai në rrjetin social  Facebook.