Ish-shefi i Prokurimit në ministrinë e Mjedisit, Planifikimit Hapësinor dhe Infrastrukturës, Nexhat Krasniqi, është rrahur nga dy persona në rrugën Shtërpcë – Brezovicë.
Lajmin e ka konfirmuar zëdhënësi i policisë për rajonin e Ferizajt, Kanun Veseli.
“Më datën 26.08.2022, në ora 23:20, Policia ka pranuar një informacion se në rrugën Shtëprcë Brezovicë një person me inicialet N.K (M/K) i moshës 54- vjeçar ka pësuar lëndime trupore , dyshohet nga dy persona të cilët më pas janë larguar nga vendi i ngjarjes”, është shprehur Veseli.
Tutje, Veseli tha se i lënduar fillimisht për ndihmë mjekësore është dërguar në qendrën shëndetësore në Shtërpcë, e më pas për tretman të mëtutjeshëm është dërguar në spitalin e Ferizajt.
“Policia i ka marr veprimet e nevojshme dhe nën autorizim të prokurorit kujdestar nga Prokuriria Themelore e Ferizjat i ka nisur hetimet në kërkim të personave të dyshuar. Rasti është cilësuar ” Lëndim i rëndë trupor” Për informata tjera do të njoftoheni me kohë”, ka thënë Veseli,
