Duke marrë shkas nga deklaratat e KPM gjatë raportimit të sotëm në Komisionin Parlamentar të Medias së Republikës së Kosovës, DigitAlb përgënjeshtron këto deklarata të pavërteta dhe të qëllimshme, ku pretendohet se DigitAlb kërkon monopol në treg.
Në një njoftim për media thuhet se siç edhe kemi deklaruar më parë, DigitAlb është i hapur për bashkëpunim me të gjithë operatorët televizivë në Republikën e Kosovës për shpërndarjen e kanaleve televizive DigitAlb dhe SuperSport.
“Siç edhe dihet, DigitAlb ka nënshkruar kontrata me operatorë televizivë në Kosovë dhe është i gatshëm për kontrata të tjera, sipas kushteve të tregut, pa diskriminuar asnjë operator.
DigitAlb, si një kompani dhe transmetues thellësisht kombëtar, kjo e treguar gjatë gjithë 20 viteve të fundit, dëshiron prezencë të plotë dhe të pakushtëzuar në çdo familje të Republikës së Kosovës.
DigitAlb, Platforma Televizive e Të Gjithë Shqiptarëve”, thuhet në reagimin e DigitAlb.
