Policia e Kosovës ka njoftuar se më 15 korrik në Graqanicë është raportuar një deklarim i rrejshëm për një aksident trafiku.
Sipas policisë dyshohet për inskenim të ngjarjes.
“Në stacionin policor në Graqanicë është denoncuar një rast aksident trafiku godit dhe ik. Menjëherë pas denoncimit, policia ka shqyrtuar të gjitha rrethanat e deklaruara dhe ato që kanë karakterizuar ngjarjen. Nga hetimi i plotë i të gjitha rrethanave si dhe rishikimin e pamjeve filmike policia ka ngritur dyshimet për inskenim të ngjarjes”, thuhet në njoftim.
Pas konsultimit me prokurorin e shtetit, policia inicioi një hetim në drejtim të veprës penale “Deklarim i Rrejshëm”.
