Kryeministri i Shqipërisë, Edi Rama, ka vlerësuar se arrestimi i kryebashkiakut të Tiranës, Erion Veliaj, është ngjarje e madhe.
Në rubrikën “Sy m’Sy” në Facebook, Rama ka thënë se ky rast e ka bërë të ndryshojë mendje për strategjinë e tij për të heshtur përballë vendimeve të drejtësisë.
“Marrja e kryetarit të Bashkisë së Tiranës nga puna për ta mbyllur pa gjyq në qeli, duke lënë një kryeqytet të tërë pa kokën që detyrën ia kanë lënë mbi shpatulla treçerek zgjedhës është një ngjarje tejet e madhe që nuk mund ta kaloja si 5 vite me s’kam koment, s’kam koment. Unë nuk do t’i mbaj më për vete opinionet e mia në të gjitha rastet kur drejtësia do të bëjë punën e saj”, ka thënë Rama.
Ai gjithashtu ka folur edhe për protestat e thirrura ku do të kërkohet dorëheqja e tij.
“U përndezën nga era e mishit me gjak dhe kanë vënë shishet këtu poshtë dhe do vijnë të kërkojnë dorëheqjen time se u bë deti kos këtu”, ka thënë Rama.
