Qeveria e Kosovës ka marrë vendim që të ndajë 4 milionë euro shtesë për subvencionimin e ndërtimit të shtëpive për pjesëtarët e komuniteteve pakicë në katër komunat në veri: Mitrovicë të Veriut, Zveçan, Leposaviq dhe Zubin-Potok.
Kjo ka qenë kërkesë e Ministrisë së Administrimit të Pushtetit Lokal.
Ministri i Financave, Hekuran Murati, ka thënë se kjo është një kërkesë shtesë për të përmbushur nevojat që kanë qenë gjatë fazave të mëhershme të aplikimit për ndërtim apo rindërtim të shtëpive nga komunitetet pakicë.
