Anëtari i Partisë Socialdemokrate të Kosovës, (PSD), Nol Nushi, ka reaguar përmes një postimi në Facebook lidhur me zhvillimet e fundit politike dhe zgjedhjet e ardhshme në vend.
Sipas Nushit, Lëvizja Vetëvendosje po hyn në zgjedhje me synimin për të rritur rezultatin e saj elektoral, ndërsa opozita, sipas tij, po garon me shpresën se do të zvogëlohet mbështetja për kryeministrin Albin Kurti.
“VV po hyn në zgjedhje për me e rritë rezultatin. Opozita po futet në zgjedhje me shpresën që votuesit e Kurtit zvogëlohen, që në fund me marrë më shumë hise në qeverinë që ka me udhëheqë Kurti”, ka shkruar Nushi.
Ai theksoi se Partia Socialdemokrate e Kosovës do të hyjë në zgjedhje me një qasje ndryshe, duke synuar, sipas tij, të bëjë opozitë të vërtetë ndaj dy blloqeve kryesore politike.
“PSD po futet në zgjedhje për me i bo opozitë përnime këtyre dyjave sipër”, ka deklaruar Nushi.
