Presidentja Vjosa Osmani në Ditën e Dëshmorëve kujton dëshmorët e komunës së Prishtinës. Osmani ka thënë se Dita e Dëshmorëve të Prishtinës është dita për ta nderuar sakrificën e të gjithë dëshmorëve të UÇK-së, të cilët ranë për liri.
“Guximi, trimëria dhe përkushtimi i tyre i palëkundur për kauzën e lirisë janë frymëzim për brezat. Kjo ditë është jo vetëm kujtim për ta, por shpresë për ne dhe për të ardhmen. Kujtimin për ta do ta nderojmë jo vetëm me fjalë, por edhe me vepra, duke e bërë shtetin tonë gjithnjë e më të fuqishëm”, ka thënë ajo.
Presidentja ka theksuar se “Republika e Kosovës është ideali i brezave të tërë dhe kontribut i dëshmorëve të UÇK-së, të cilët e përmbushën ëndrrën tonë për liri e shtet!”
“Qoftë i përhershëm kujtimi për të gjithë dëshmorët e UÇK-së!”, ka thënë Osmani.