Presidentja Osmani në takim me Borrellin: Serbia duhet të mbajë përgjegjësi për agresionin kundër Kosovës

Presidentja e Kosovës, Vjosa Osmani ka dhënë detaje për takimin e saj me përfaqesuesin e Lartë të BE-së, Josep Borell.

Përmes një postimi në platformën “X”, Osmani ka thënë se në këtë takim është diskutuar për aktin e agresionit të Serbisë kundër Kosovës, më 24 shtator.

“Serbia duhet të mbajë përgjegjësi për shkeljen e qartë të nenit 3 të agrmt të BE-së. e 27 shkurtit, e cila parashikon detyrimin për t’u përmbajtur nga kërcënimi ose përdorimi i forcës”, ka shkruar Osmani.

Kujtojmë që të dielën e 24 shtatorit në fshatin Banjskë të Komunës së Zveçanit, Policia e Kosovës u sulmua nga një grup terrorist serb, i cili udhëhiqej nga Millan Radojçiq.

Nga ky sulm mbet i vrarë rreshteri policor, Afrim Bunjaku nga Samadrexha e Vushtrrisë i cili tashmë është shpallur hero, i plagosur ka mbetur zyrtari policor Alban Rashiti dhe disa të tjerë të lënduar.

Ndërsa nga aksioni i Policisë së Kosovës mbetën të vrarë tre pjesëtarë të këtij grupi terrorist serb.

At EPC, I met with HRVP @JosepBorrellF to discuss Serbia’s act of aggression against Kosovo.⁰
Serbia must be held accountable for its clear violation of Article 3 of the EU agrmt. of 27 Feb, which provides for the obligation to refrain from the threat or use of force. pic.twitter.com/eDgBd6WdyJ

— Vjosa Osmani (@VjosaOsmaniPRKS) October 7, 2023