Këshilltari për media i Presidencës, Bekim Kupina, ka bërë të ditur se presidentja e vendit, Vjosa Osmani, me rekomandimin e mjekëve, është liruar sonte nga spitali, pas intervenimit kirurgjik që pati në tëmth, të cilin e kreu në një spital privat.
Siç njofton Kupina, e para e vendit është në gjendje të mirë shëndetësore dhe po kryen detyrat e saj nga banesa.
“Ajo po e vazhdon terapinë në banesën e saj prej nga po i kryen detyrat dhe përgjegjësitë e presidentes”, bëhet e ditur në njoftim.
Operimi i presidentes në spital privat ngjalli reagime të mëdha, përfshirë edhe Kolegjiumin e Kirurgëve të QKUK-së. Të njëjtit thanë se një veprim i këtillë është ofendim për ta, teksa bënë të ditur se një operacion i këtillë në Qendrën Klinike kryhet që nga 99-ta./KosovaNews
