Sot rreth orës 10:10, policia e stacionit në Kaçanik ka pranuar një informacion se në fshatin Bajnicë të kësaj komune, një person posedon armë zjarri.
Policët e rendit dhe policët hetues menjëherë i janë përgjigjur kësaj informate dhe nën autorizim të Prokurorit kujdestar nga Prokuroria Themelore në Ferizaj, kanë shkuar në shtëpinë e të dyshuarit H.F, i moshës 38 vjeçar, i cili ka pranuar se posedon një armë zjarri automatike, me një karikator, pa fishekë.
Policia e ka kofinskuar armën në fjalë, si provë materiale.
I dyshuari është shoqëruar në stacionin e policisë në Kaçanik dhe pas intervistimit nga policët hetues, me vendim të Prokurorit të rastit, është liruar në procedurë të rregullt hetimore.
Rasti është cilësuar si “Mbajtje në pronësi, kontroll, ose posedim i paautorizuar i armës”.
