Gjimnazi “Sami Frashëri” në Prishtinë, është njëra nga shkollat që është rankuar pranë Sindikatës së Arsimit (SBAShK), për vazhdimin e grevës, duke i lënë kështu mijëra nxënës jashtë bankave shkollore.
E që opozita qëndron fuqishëm afër këtyre grevave, tregon edhe e kaluara politike e kryetares së sindikatës së këtij gjimnazi, Ajshe Zogjani, e cila duke folur në emër të mësimdhënësve, të enjten deklaroi se grevat nuk do të ndalen deri në realizimin e kërkesave.
Pas një hulumtimi të shkurtë lidhur me të kaluarën e Ajshe Zogjanit, KosovaNews merr vesh se e njëjta ishte kandidate e Lidhjes Demokratike të Kosovës për asamblenë e Komunës së Prishtinës në zgjedhjet lokale të vitit 2017.
Në postimet e saja në rrjetin social facebook, Zogjani në atë kohë bënte propagandë të LDK-së duke kërkuar vota për vete dhe bashkë partiakët e saj.
Duke tentuar të merr një ulëse në Kuvendin Komunal të kryeqytetit, Zogjani në fushata elektorale pretendonte se “LDK-ja është më e mira për Prishtinën”.
Që prej fillimit të grevave më 25 gusht, KosovaNews, vazhdimisht ka bërë hulumtime që tregojnë lidhjet politike të sindikalistëve që po qëndrojnë prapa bllokimit të sistemit arsimor.
Më poshtë gjeni të gjitha hulumtimet e KosovaNews lidhur me lidhjet politike të sindikalistëve me opozitën.
