Presidentja Vjosa Osmani, ka uruar 8 Marsin, Ditën Ndërkombëtare të Gruas.
Në këtë rast e para e vendit tha se në Ditën Ndërkombëtare të Gruas, duhet kujtuar forcën, guximin dhe qëndrueshmërinë e jashtëzakonshme të grave dhe vajzave tona.
Ajo tha se si në arsim, sport, kulturë, biznes, shkencë ose politikë, gratë kanë dëshmuar se janë të afta t’i arrijnë majat e suksesit dhe munden, sepse kanë potencial.
Presidentja Osmani u ka bërë thirrje të gjitha grave dhe vajzave kosovare që sot e çdo ditë të mos ndalojnë kurrë së ëndërruari dhe besuari.
“Le të zotohemi të gjithë që ta bëjmë secili pjesën tonë të punës për t’u siguruar që zëri i çdo gruaje të dëgjohet, që potenciali i çdo gruaje të vie në shprehje maksimalisht. Së bashku, ne mund të krijojmë një botë ku gratë janë të barabarta e të lira për t’i përmbushur synimet e tyre. Të gjitha grave dhe vajzave të Republikës, sot e çdo ditë: Mos ndaloni kurrë së ëndërruari, por në veçanti, mos ndaloni kurrë së besuari”, ka shkruar Osmani.
