Kryeministri i Kosovës, Albin Kurti, ka thënë se presidentin i Serbisë Aleksandër Vuçiqin, e bën nervoz demokracia.
Kryeministri Kurti, në një intervistë për “Vecernji list” ka thënë se Vuçiqi dëshiron të bëhet mbret.
Kreu i ekzekutivit ka thënë se në kufirin Kosovë-Serbi ka baza të ushtrisë serbe, prandaj Kosova është shumë e kujdesshme.
“Ne kemi blerë Bajraktarët, dyfishuam buxhetin e ushtrisë dhe rritëm numrin e ushtarëve. Në kufi janë bazat e ushtrisë serbe, prandaj jemi shumë të kujdesshëm”, ka deklaruar mes tjerash Kurti.
