Policia e Kosovës ka njoftuar se janë arrestuar katër persona të dyshuar, të cilët ishin paraqitur në një video duke sulmuar fizikisht dhe kanosur një të ri në rajonin e Pejës.
Kështu është njoftuar nga vetë PK-ja, përmes një komunikate për media, ku është shtuar se, rasti ishte raportuar me datën 07.10 2022, ndërsa videoja ishte siguruar me datën 15.10, ku janë identifikuar dhe arrestuar të katër personat e dyshuar të përfshirë në këtë rast, me inicialet L. M; i lindur më 2003, T. M; i lindur më 2005 3. S. B; i lindur më 2007 4. E. A; i lindur më 2008, shkruan lajmi.net.
Po ashtu, PK-ja bën të ditur se tre të dyshuarve iu është caktuar masa e ndalimit, ndërsa i dyshuari i katër i mitur, është liruar në procedurë të rregullt.
Komunikata e plotë:
Policia e Kosovës ka arrestuar katër (4) persona të dyshuar që ishin paraqitur në një video incizim duke sulmuar fizikisht dhe kanosur një të ri në rajonin e Pejës
Prishtinë, 19 tetor 2022
Policia e Kosovës me qellim të informimit të opinionit publik pas publikimit të një video- incizimi në media dhe portale ku shihen katër persona m/k, duke ushtruar dhunë fizike ndaj një personi m/k, njofton si në vijim:
Me datë 07.10 2022 rreth orës 12:20, rasti ishte raportuar në Stacionin Policor në Pejë se ishte sulmuar fizikisht nga disa persona. Pas angazhimeve nga hetuesit policor në Pejë me datë 15.10.2022 është siguruar video incizimi përmes të cilit video incizim janë identifikuar dhe arrestuar katër (4) personat e dyshuar të përfshirë në ketë rast, të listuar me inicialet si në vijim:
L. M; i lindur më 2003 2. T. M; i lindur më 2005 3. S. B; i lindur më 2007 4. E. A; i lindur më 2008
Pas intervistimit, me urdhër Prokurorit kompetent tre të dyshuarve me numër rendor (1, 2 dhe 3) iu është caktuar masa e ndalimit, përderisa i dyshuari i katërt i mitur (nr. 4) është liruar në procedurë të rregullt.
Policia e Kosovës mbetet e përkushtuar në realizimin e detyrave dhe përgjegjësive të saj në interes të ruajtjes së rendit dhe sigurisë publike, parandalimit të rasteve kriminale dhe arrestimin dhe sjelljen para organeve të drejtësisë të personave të dyshuar.
