Një djalë i mitur dyshohet se është rrahur nga një person i rritur në komunën e Istogut dhe më pas i dyshuari ka tentuar të kryejë marrëdhënie seksuale me të. Rasti ka mbetur “dhunim në tentativë”, por policia e ka arrestuar të dyshuarin, i cili me urdhër të prokurorit është dërguar në mbajtje.
Siç ka bërë të ditur zëdhënësi i Policisë në rajonin e Pejës, Driton Rugova, i dyshuari kishte përdorur dhunë fizike ndaj të miturit duke tentuar ta dhunonte.
“Viktima është i mitur. Prindi pohon se ka vërejt të dyshuarin që ja ka vendosur dorën në qafë dhe kanë shkuar për t’i ruajtur delet, Sipas tij, fëmija ka ardhë i shqetësuar në shtëpi dhe ka deklaruar se i rrituri ka tentuar të kryejnë marrëdhënie me të”, tha Rugova.
Ky rast ka ndodhur ditën e hënë dhe është bërë i njohur edhe në raportin e sotëm të Policisë së Kosovës.
Njoftimi i plotë i Policisë së Kosovës i publikuar në raportin 24 orësh:
DHUNIM NË TENTATIVË/Istog 26.09.2022 – 15:00. Me 27.09.2022 është arrestuar i dyshuari mashkull kosovar nën dyshimin se i njëjti ka ushtruar dhunë fizike dhe ka tentuar ta dhunoj viktimën mashkull kosovar. Lidhur me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje.
