Në mesditën e sotme kanë ndodhur dy aksidente, një në rrugën Prishtinë-Pejë përkatësisht në afërsi të fshatit Bresje, si dhe një në magjistralen Prishtinë-Podujevë, përkatësisht në fshatin LLuzhan.
Zëdhënësi të Policisë së Kosovës, Daut Hoxha tha se në aksidentit e parë është përfshirë një veturë, kurse në të dytin janë katër, me gjithsej 5 të lënduar që kanë kërkuar trajtim mjekësor.
“Sot në mesditë në rrugën Pejë-Prishtinë afër fshatit Bresje, është shkaktuar një aksident në trafik-vetë aksident me dëme materiale dhe lëndime trupore, ku ka qenë i përfshirë një automjet. Raportohet se një person ka marr lëndime trupore dhe është dërguar për trajtim mjekësor”, bëri të ditur Hoxha.
Kurse në aksidentit, e dytë që ka ndodhur afër fshatit LLuzhan janë përfshirë 4 vetura.
“Rreth orë 13:10 policia ka pranuar një informatë për një aksident trafiku me persona të lënduar që është shkaktuar në fshatin Luzhan, Podujevë. Të përfshira në këtë aksident ishin katër automjete, përderisa raportohet se tretman mjekësor kanë kërkuar katër persona të lënduar”, ka thënë zëdhënësi Hoxha.
Në këtë rast, Policia e Kosovës kërkon nga drejtuesit e automjeteve që të janë të kujdesshëm, të respektojnë shenjat e kufizimit të shpejtësisë në rrugë, të shmangin përdorimin e telefonave celular dhe mos të drejtojnë automjetin kur janë të lodhur apo në ndikim të alkoolit./KosovaNews/