Policia e Kosovës ka dhënë kontratë në vlerë prej 125 mijë e 866 euro për furnizim me uniforma për zyrtarët e njësisë së çiklistave.
Sipas njoftimit, operatori ekonomik fitues është kompania “Sodex Group SH.P.K.”, ndërsa kontrata është dhënë përmes procedurës së hapur të prokurimit publik.
Në kuadër të kësaj kontrate parashihet furnizimi me pantallona të gjatë dhe të shkurtër, fanela polo të bardha, dorëza për biçiklistë, helmeta, syze të polarizuara, patika dhe xhaketa verore për njësinë e biçiklistave të Policisë së Kosovës.
Sipas dokumentit zyrtar, vlera e parashikuar e kontratës ka qenë 125 mijë e 980 euro, ndërsa oferta fituese ka rezultuar me çmim prej 125 mijë e 866 euro e 40 centë. Në këtë tender është pranuar vetëm një ofertë.
Kontrata është dhënë më 8 maj 2026, ndërsa nënshkrimi i saj pritet të bëhet më 18 maj.
