Drejtoria Rajonale e Policisë në Gjakovë ka organizuar sot aktivitetin “Fëmijë të festojmë së bashku 2026”, duke shpërndarë dhurata për fëmijët në qytetet Gjakovë, Rahovec dhe Malishevë.
Ky projekt, i realizuar në bashkëpunim me Drejtorinë e Policisë në Bashkësi dhe Parandalim, synon të sjellë gëzim dhe mbështetje për fëmijët gjatë festave, duke promovuar solidaritet dhe kujdes ndaj komunitetit. Aktiviteti nisi në orën 12:00 dhe u zhvillua në një atmosferë festive dhe miqësore, ku njësitë sektoriale të policisë shpërndanë dhurata dhe shprehën mesazhe afërsie dhe mirëkuptimi.
Fëmijët pritën me entuziazëm dhuratat, ndërsa qytetarët e mirëpritën pozitivisht iniciativën e Policisë së Kosovës. Drejtoria Rajonale e Policisë në Gjakovë thekson përkushtimin e saj për mbështetjen e komunitetit dhe krijimin e një ambienti të sigurt dhe të ngrohtë për të gjithë qytetarët.
