Policia e Kosovës, njofton se është identifikuar i dyshimti që ka kryer vjedhje në një shtëpi në Prizren.
Në njoftimin e policisë bëhet e ditur se i njëjti dyshohet që mund të jete kryes i disa veprave të njëjta, ngase gjatë muajit shkurt të këtij viti në atë lagje janë kryer disa vjedhje në mënyrën e njëjtë.
Njoftimi i plotë:
Me datë 20 Prill 2023, në polici është raportuar për një “Vjedhje të rëndë” në Prizren, konkretisht ankuesi raportoi se derisa ai ishte në darkë jashtë shtëpisë persona të panjohur kanë hyrë në shtëpinë e tij dhe nga aty kanë vjedhë një makinë shpuese “ Hilt”.
Hetuesit policor të Stacionit Policor Prizren kanë dal në vend ngjarje dhe rasti ka qenë në hetime.
Sot me datë 25 prill 2023 është identifikuar i dyshimti që e ka kryer vjedhjen në atë shtëpi .
Gjithashtu dyshohet se i njëjti mund të jete kryes i disa veprave të njëjta , ngase gjatë muajit shkurt të këtij viti në atë lagje janë kryer disa vjedhje në mënyrën e njëjtë.
I dyshimti pasi që është intervistuar në prani të avokatit mbrojtës dhe e ka pranuar veprën.
Me urdhër të prokurorit përgjegjës i dyshuari ndalohet në ndalim policor për 48 orë.
