Reshjet e vazhdueshme po krijojnë vështirësi edhe në Komunën e Rahovecit.
Kryetari i komunës, Smajl Latifi, ka thënë se niveli i ujit të Drinit të Bardhë është rritur shumë.
Për shkak të kësaj ka pasur edhe përmbytje të tokave bujqësore.
“Po e shohim nga afër se si niveli i ujit në Drinin e Bardhë është rritur shumë nga reshjet e shiu dhe për shkak të prurjeve të mëdha, kemi përmbytje të tokave bujqësore të mbjella me grurë në fushë të hapur, si në: Gexhë, Xërxë, Malësi e Vogël, Krushë e Madhe, Çifllak, e nën ujë janë edhe një numër i serrave afër Drinit, me prodhime të gatshme për treg, si: spinaq, qepë, sallata, lakër etj”, ka shkruar në Facebook Latifi.
Ai ka thënë se do të bëhet regjistrimi dhe vlerësimi i dëmeve.
