Paneli Zgjedhor për Ankesa dhe Parashtresa (PZAP) ka vendosur të dënojë Partinë Demokratike të Kosovës (PDK) me një shumë prej 19 mijë euro për shkelje të Kodit të Mirësjelljes për Subjektet Politike gjatë fushatës zgjedhore. Ankesa ishte paraqitur nga Lëvizja Vetëvendosje.
PDK-ja dënohet me 19 mijë euro nga PZAP sherri i disa posterëve.
Sipas PZAP-it, PDK ka vendosur pa leje postera të kandidatëve të saj, Blerta Deliu-Kodra dhe Mërgim Lushtaku, në disa lokacione në qytetin e Skenderajt, duke shkelur kështu nenin 34, paragrafi 2 të Ligjit për Zgjedhjet e Përgjithshme.
PDK-ja, nga ana e saj, ka mohuar akuzat duke pohuar se kandidatët e saj kishin marrë leje nga pronarët e hapësirave publike për vendosjen e posterave dhe se kishin kontrata të nënshkruara me kompaninë “Foto Kabashi”.Megjithatë, PZAP ka vlerësuar se provat e paraqitura nga PDK nuk janë të mjaftueshme për të konfirmuar pretendimet e partisë dhe ka vendosur që ankesa të jetë e bazuar.
Kjo nuk është hera e parë që PDK-ja dënohet nga PZAP për shkelje gjatë fushatës zgjedhore. Edhe parti të tjera, si LDK dhe Vetëvendosje, janë gjobitur në të kaluarën për shkelje të ngjashme. PDK-ja ka afat 15 ditë për të paguar gjobën e vendosur nga PZAP.
