Këshilli Konsultativ i Partisë Demokratike Turke të Kosovës ka mbajtur një takim nën kryesimin e kryetarit të Partisë, Fikrim Damka. Në njoftim thuhet se në takim janë diskutuar hapat e mëtejshme që do të ndërmerren gjatë periudhës së formimit të Qeverisë së ardhshme.
“Në Zgjedhjet Parlamentare të Kosovës të mbajtura më 9 shkurt, partia jonë duke marrë numrin më të lartë të votave në mesin e partive të komuniteteve, fitoi të drejtën për të përfaqësuar komunitetin Turk në Parlament me dy deputetë. Si e vetmja parti e komunitetit turk në Kosovë, KDTP do të vazhdojë të punojë me vendosmëri për unitetin, të ardhmen dhe interesat e Kosovës, ashtu siç ka bërë deri më tani”, thuhet në njoftimin e kësaj partie.
Gjithashtu, në përputhje me Programin dhe Statutin, kjo parti thekson se do të vazhdojë të përmbushë përgjegjësinë e përfaqësimit në përputhje me pritshmëritë dhe nevojat e komunitetit tu
rk në Parlament si dhe në Qeveri.
“Sipas Kushtetutës, bazuar në rezultatet zyrtare të zgjedhjeve në vendin tonë, partisë politike fituese me më së shumti vota do t’i jepet mandati për formimin e Qeverisë nga Presidentja në ditët në vijim. Duke u drejtuar opinionit publik me respekt të plotë, ju informojmë se qëndrimi i partisë se, ashtu siç ka qenë gjatë katër viteve të fundit, KDTP-ja edhe në periudhën e ardhshme do të vazhdoj të ndërmarr çdo hap konstruktiv për të ardhmen dhe zhvillimin e Kosovës si dhe të punoj me plotë përgjegjësi në drejtim të plotësimin e nevojave të komunitetit Turk në Kosovë”, thuhet në njoftimin e partisë.
