Ministrja e Industrisë, Ndërmarrësisë dhe Tregtisë, Rozeta Hajdari bëri të ditur se parku Industrial në Qylagë të Lipjanit, po ndërtohet me mbështetje financiare nga MINT, përmes Agjencisë për Investime dhe Përkrahje të Bizneseve në Kosovë(KIESA).
Ajo tha se ky mjedis do të ketë ndikim në nxitjen e investimeve, promovimin e teknologjive të avancuara, shtimin e prodhimit e përpunimit, inovacionit dhe shërbimeve me vlerë të shtuar, rritjen e punësimit dhe trajnimit, lehtësimin e bashkëpunimit ndërmjet bizneseve, si dhe rritjen e konkurrencës dhe eksporteve.
Hajdari paralajmëroi se mbështetja financiare nga kjo ministri, do të rritet edhe më shumë gjatë vitit të ardhshëm.
