Deputetja e Kuvendit të Kosovës nga radhët e Lëvizjes Vetëvendosje, Fitore Pacolli ka komentuar gjithë atë që ndodhi dje në Bruksel, ndërsa ka shtuar pyetjen dhe mandej ka thënë se është kryeministri Albin Kurti që detyroi Serbinë që të njoh shtetësinë e Kosovës.
Ajo në këtë rast ka thënë se politikanët e së shkuarës vetëm i jepnin Serbisë, porse tash jetojmë në kohën kur Serbisë nuk i japim më asgjë.
“Dje, Përfaqësuesi i Lartë i Bashkimit Evropian, Joseph Borrell, në Zyrat e Shërbimit të Jashtëm, ndër të tjera tha që me Propozimin e BE-së, Serbia do t’ia pranojë Republikës së Kosovës pasaportën e saj. A më thotë dikush se kush është njeriu që e detyroi Serbinë që t’ia njohë Republikës sonë pasaportën, e cila është dokumenti simbolik më i rëndësishëm i një shteti të pavarur në marrëdhëniet me jashtë? Natyrisht, Kryeministri Kurti.
Politikanët e së shkuarës vetëm i jepnin Serbisë; tash jetojmë në kohë kur Serbisë nuk i japim më asgjë. Nga negociata për çështje të brendshme tash bëjmë negociata për pranim të shtetësisë e raporte të barabarta në marrëdhëniet ndërkombëtare”, ka shkruar ajo.
