Presidentja e Kosovës, Vjosa Osmani, ka pritur të dielën në takim ministrin e Punëve të Jashtme të Greqisë, Nikos Dendias.
Takimi midis Osmanit dhe Dendiasit ka filluar nga ora 11:00.
Temat e takimit nuk janë bërë ende të ditura, teksa nuk dihet edhe nëse do të ketë adresim për media nga palët pas takimit.
Sipas agjendës, kryediplomati grek do të ketë takim pastaj edhe me kryeministrin, Albin Kurti.
Gjithashtu, kryediplomati grek do të takohet me kryediplomatën kosovare, Donika Gërvalla.
Në njoftimin e MPJ-së greke bëhet e ditur se tema e dialogut është kryesore.
“Diskutimet gjatë vizitës pritet të fokusohen në zhvillimet në dialogun Beograd-Prishtinë dhe perspektivën evropiane të Ballkanit Perëndimor.” – thuhet në njoftimin e Ministrisë së Jashtme greke.
