Ministri i Punëve të Jashtme të Çekisë, Jan Lipavský, që bashkë më delegacionin e tij po qëndron në Kosovë për vizitë zyrtare, tashmë në zyret e presidencës është takuar me të parën e vendit, Vjosa Osmani, raporton KosovaNews
Ai në mëngjesin e sotëm u prit në zyret e qeverisë nga zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi.
Në konferencën për media të mbajtur pas takimit me Bislimin, deklaroi se pritjet e tij që shtetet e BE-së të marrin vendim pozitiv për vizat janë të larta.
Lexo po ashtu:
Në këtë konferencë, ai deklaroi se procesi i vizave është në rrugë të mirë.
“Vjen në kohën kur Çekia ka presidencën e BE-së, dhe Kosova është një nga prioritetet regjionale dhe përpjekjet tona fokusohen në progres dhe çështjen e liberalizimit të vizave dhe ta kuptojmë se duhet të bëhet ende punë por jemi në rrugë të mirë që të gjejmë përkrahje politike dhe ky proces të përfundojë. Presidenca çeke është duke punuar në këtë fushë dhe jemi duke e përkrahur këtë”, tha Lipavský.
Lexo edhe:
Përveç Presidentes Osmani dhe zëvendëskryeministrit Besnik Bislimi, kryediplomati çek, Lipavský, gjatë ditës së sotme do të zhvillojë takime zyrtare edhe me kryetarin e Kuvendit të Kosovës, Glauk Konjufca dhe me kryeministrin Albin Kurti./KosovaNews/
Lexo po ashtu:
