Neymar i dërgoi një mesazh mbështetjeje yllit të Real Madridit, Rodrygo, i cili zbuloi se ai pësoi abuzim racor në internet pas humbjes së Brazilit ndaj Argjentinës.
Sulmuesi u përfshi në një përleshje verbale me Lionel Messin gjatë humbjes së tyre të me rezultat minimal 1-0 ndaj Argjentinës në ndeshjen kualifikuese të Botës 2026 në Maracana të martën.
Braziliani u raportua të ketë akuzuar Argjentinën se “sillen si frikacakë”, për të cilën Messi u përgjigj duke thënë: “Ne jemi kampionë të botës, si jemi frikacakë? Kujdes gojën”.
Pas ndeshjes, disa tifozë argjentinas e sulmuan atë në mënyrë racore në rrjetet sociale, gjë që e shtyu sulmuesin të shkruante:
“Racistët janë gjithmonë aktivë. Rrjetet e mia sociale janë pushtuar me ofendime dhe lloj-lloj marrëzish. Nëse nuk bëjmë atë që duan ata, nëse nuk sillemi siç mendojnë ata, nëse veshim diçka që i shqetëson, nëse nuk ulim kokën kur na sulmojnë, nëse zëmë hapësira që ata mendojnë se janë të tyret, racistët marrin masa me gjithë këtë kriminel. Por është fati i tyre i keq, ne nuk do të ndalemi!”.
Neymar, i cili aktualisht po vuan nga një lëndim i rëndë në gju, i qëndroi pranë bashkatdhetarit të tij dhe shkroi në Instagram: “Teu brilho incomoda Nao pare nunca! (Shkëlqimi juaj i pengon, mos u ndalni kurrë)”.
Pas këtij rasti, babai i Rodrygos ‘sulmoi’ Messi dhe De Paul në mbrojtje të djalit të tij. Ai ndau dy foto të Messit, në në debatin e ‘ashpër’ me Rodrygon dhe një tjetër ku argjentinasi shihet duke shtrënguar qafën e një lojtari uruguaian gjatë takimit me Uruguain. Bashkë me fotot ai ka shkruar: “A është i habitur dikush. Shenjtori i vogël që nuk i bën kurrë telashe askujt”.
Pas rezultateve zhgënjyese me Brazilin në pushimin me kombëtare, Rodrygo është rikthyer në Spanjë për t’iu bashkuar bashkëlojtarëve të tij tek Real Madridi.
Megjithatë, pjesëmarrja e tij kundër Cadizit të dielën mbetet në dyshim, pasi ai është ankuar për një lëndim në gju pas përfundimit të ndeshjes me Argjentinën
