Interi pritet të ndahet nga dy sulmuesit e saj, Joaquin Correa dhe Marko Arnautovic, në qershor të këtij vitit, kur përfundon kontrata e tyre aktuale.
Sipas gazetarit të njohur Fabrizio Romano, klubi nuk ka ndërmend t’u ofrojë rinovim dhe ka vendosur të mos i përfshijë më në planet afatgjata.
Correa, 30 vjeç, dhe Arnautovic, 36 vjeç, nuk kanë arritur të sigurojnë një vend të qëndrueshëm në formacionin bazë të Interit gjatë këtij sezoni.
Të dy kanë kontribuar shumë pak në sukseset e skuadrës dhe janë parë më shumë si opsione dytësore në repartin ofensiv. në repartin ofensiv.
Kjo lëvizje është pjesë e strategjisë së Interit për të rinovuar skuadrën dhe për t’i dhënë prioritet lojtarëve më të rinj dhe më dinamikë.
Një nga emrat që është lidhur me Interin është sulmuesi premtues i Bolongës, Santiago Castro, i cili shihet si një përforcim i mundshëm për sezonin 2025/26.
Nerazzurrët synojnë ta forcojnë sulmin me alternativa më të freskëta, duke ndërtuar një skuadër më konkurruese për të ardhmen.
