Nesër do të nis edicioni i dytë i Festivalit të Teatrit për Fëmijë “Fëmijët në Teatër”, i cili do të mbahet në teatrin “Muharrem Qena” në Mitrovicë.
Ky festival do të zgjasë dy ditë, më 17 dhe 18 mars.
Gjatë këtyre dy ditëve do të ipen dy shfaqje për fëmijë, të shoqëruara me këngë, lojë, ngjyra dhe emocione të bukura.
Organizatorja e festivait, Albana Muja, ka thënë se pas edicionit të parë, e kanë menduar rikthimin me edicionin e dytë në mënyrë që të vazhdojnë tradicionalisht këtë festival.
“Jam shumë e lumtur që ky festival tashmë po vazhdon rrugëtimin për t’u bërë tradicional, me ndihmën e Ministrisë së Kulturës, Rinisë dhe Sporteve, si dhe me përkrahjen e Teatrit të qytetit të Mitrovicës ‘Muharrem Qena’”, ka thënë Muja.
Ajo ka bërë të ditur se bashkëpunëtorët e festivalit janë: Marigona Bekteshi, në cilësinë e udhëheqëses artistike, si dhe Labinot Lajçi, nën organizimin e tij.
Sipas njoftimit, nesër në orën 11:00 do të ipet shfaqja “Tregimet e Mamësgjyshe”, në të cilën do të luajnë Jehona Gashi dhe Faris Berisha. Ndërsa, të premtën në orën 13:00 do të ipet shfaqja “Rojtari i vreshtave”, në të cilën do të luajnë Ali Krasniqi, Sherif Bega dhe Arben Marevci.
