Deputetja e Parlamentit të Britanisë, Alicia Kearns, përmes një postimi në Twitter, ka bërë të ditur se në Parlamentin britanik do të diskutohet për situatën në Kosovë.
Ajo ka thënë se ka kërkuar që në parlamentin e Mbretërisë së Bashkuar në rend dite të futet edhe diskutimi për situatën e krijuar në Kosovë.
Kearns tha se Mbretëria e Bashkuar ka një përkushtim historik e domethënës ndaj miqve kosovarë.
“Sot kam siguruar një pyetje urgjente për situatën në Kosovë. Mbretëria e Bashkuar ka një përkushtim historik dhe domethënës ndaj miqve tanë në Kosovë. Ajo do të zhvillohet në orën 15:30”, shkroi Kearns.
