Ministra, deputetë, përfaqësues të shumtë të institucioneve qendrore e lokale, organizatave të dala nga lufta e veçanërisht familjarë të dëshmorëve, sot me nder dhe krenari kujtuam dëshmorët e kombit me homazhe, duke hapur kështu zyrtarisht manifestimin kulturor mbarëkombëtar “Flaka e Janarit 2023”.
Kryetari i Gjilanit, Alban Hyseni tha se me emërtimin e saj metaforik “Flaka e Janarit” nisi rrugëtimin e saj në shënimin e dhjetëvjetorit të vrasjes të atdhetarëve, Jusuf e Bardhosh Gërvallës e Kadri Zekës e në tetë vjetorin e vrasjes së Rexhep Malës e Nuhi Berishës duke u bërë një manifestim kulturor nderimi dhe kujtimi për të gjithë ata që u sakrifikuan për liri.
“Bashkë me ministra, deputetë, përfaqësues të shumtë të institucioneve qendrore e lokale, përfaqësues të organizatave të dala nga lufta e veçanërisht familjarë të dëshmorëve, sot me nder dhe krenari kujtuam dëshmorët e kombit me homazhe në Varrezat e Dëshmorëve dhe te Lapidarët në qytet, duke hapur kështu zyrtarisht manifestimin kulturor mbarëkombëtar “Flaka e Janarit 2023”. Me ekspozitë fotografish, shfaqjen e dokumentarit dhe programe artistike, kujtuam edicionin e parë të “Flakës së Janarit” në fshatin Bresalc “te Mejtepi” dhe në fshatin Përlepnicë, për të vazhduar me vizitë në Kazermën e Forcave të Sigurisë së Kosovës dhe me aktivitete të tjera të shumta përgjatë tërë ditës”, ka thënë Hyseni.
