Agjencia e Statistikave të Kosovës (ASK) ka publikuar statistikat e mirëqenies sociale për muajin nëntor të këtij vitit.
Sipas këtyre statistikave muajin e kaluar në Kosovës është braktisur një fëmijë.
Sipas rezultateve të këtij publikimi, gjatë muajit nëntor të këtij viti nga skema e ndihmës sociale kanë përfituar 23 mijë e 100 familje me gjithsej 91 mijë e 263 anëtarë, dhe nga skema për mbështetje materiale të familjeve që kanë fëmijë me aftësi të kufizuara kanë përfituar 2 mijë e 922 familje.
Në këtë publikim ofrohen edhe të dhëna për numrin e përfituesve nga skema e ndihmës sociale, skema e pensioneve bazë të moshës, e pensioneve kontributpaguese të moshës, skema e pensioneve për personat me aftësi të kufizuara, e pensioneve për personat paraplegjik dhe tetraplegjik, skema për mbështetje materiale për familjet me fëmijë me aftësi të kufizuara të përhershme, skema për pensionet familjare, skema për pensionet invalidore, skema e pensioneve për familjet e dëshmorëve, invalidëve të luftës dhe veteranëve të luftës, skema e pensioneve të Trepçës, skema e pensioneve për Trupat Mbrojtëse të Kosovës, të Forcës së Sigurisë së Kosovës e skema e kompensimeve për personat e verbër.
