Kryetari i Lidhjes Demokratike të Kosovës, Lumir Abdixhiku ka njoftuar se punimet në “Rrugën A”, rinisin sot.
Ai ka thënë se shkalla e dytë e Gjykatës Komerciale ka rrëzuar siç e ka quajtur ai, “vendimin skandaloz të gjykatës familjare”.
“Vendimet e urdhëresave politike s’mund të përfundojnë ndryshe. Popullistët, me gjithë mllefin e urrejtjen që bartin për punën e tjetrit na humbën veçse kohë. Do të duhej të kishin brenga tjera, do të duhej të kishin qëllime të tjera; sepse vendi ka nevoja plot”, ka shkruar ai mes tjerash Abdixhiku në rrjetin social.
Kujtojmë se ditë më parë Gjykata Komerciale mori vendim për pezullim të punimeve pasi konsideronte se kompania “Sallahu” që po kryen punimet pas kontraktimit nga Komuna, dyshohet të ketë falsifikuar dhe mashtruar në prokurim.
Rrjedhimisht, kompania nuk mund të merrte pjesë dhe as të ekzekutojë kontrata publike.
